Татарстанда эшче һөнәрләр елы кысаларында Байраш мәктәбе укучылары Татарстан Республикасы янгынга каршы хезмәтнең Апас отрядының Олы Шәмәк авылын саклау буенча аерым постта булдылар. Хезмәткәрләр янгын часте буенча экскурсия уздырдылар-уку кабинетын, гаражын күрсәттеләр. Экскурсия янгын сүндерү автомобильләре һәм аларның җиһазлары, янгын-техник кораллары, шулай ук янгын сүндерүчеләрнең хәрби киемнәре турында тулы мәгълүмат белән барды. Укучылар карап кына калмадылар, тотып карадылар, ә теләүчеләр янгын сүндерүчеләрнең кием-салымын үлчәделәр, янгын сүндерү машинасы кабинасында утырдылар. Экскурсия ахырында балаларга мәктәптә һәм көнкүрештә янгын куркынычсызлыгы чаралары турында сөйләделәр һәм янгын куркынычсызлыгы темасына белешмәлекләр тараттылар.