Тәтештә “Хуш, Май чабу бәйрәме” дигән күмәк күңел ачулар узды
2016 елның 13 марты, якшәмбе
Гореф-гадәтләребезнең, йола-традицияләребезнең әйләнеп кайтуы – сөенечле. Әби-бабайларыбыз тирән мәгънәле нинди генә бәйрәмнәр үткәрмәгән. Аларның үсеп килүче яшь буынны тәрбияләүдә, төрле милләт халыкларын берләштерүдә әһәмияте зур.
12 март көнне Тәтештә “Хуш, Май чабу бәйрәме” дигән күмәк күңел ачулар узды. Барысы да шат күңелле, матур итеп киенеп, бәйрәм мәйданына җыелды. Урамда кайнар коймак пешеп, хуш исле чәй кайнап торды. Төрле кызыклы, мавыктыргыч уеннар оештырылды. Аркан тарту буенча урамлап ярыштылар. Урамда җыр-моң тынып тормады. Халык фольклор ансамбле үзенең дәртле җырлары белән халыкны куандырды.
Җиденче ягъни соңгы көннәрендә православие халкы бер-берсеннән гафу сорап, кунакка йөри һәм тәмле ашлар белән сыйлана. Бу инде кыш урынына яз килгән, дигән сүз. Керәшеннәрдә төп бәйрәм, уен-көлке кече атнадан башланган. Яшь киленнәрнең чиккән бистәрләре, яулыклары белән бизәлгән атларда “кәтәйсә” иткәннәр. Су буенда яшьләр төне буе чуман әйләнгән. Көз көне өйләнешкән яшь парларны кыяматлыклары кунакка алган. Яшьләр кеше арасына беренче тапкыр бергәләп чыкканнар. Пручти көнне бөтен кеше бер- береннән кичерү сораган. Соңыннан күңелле атна 40 көнлек ураза белән алмаша.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз