Район архивыннан хәбәрләр

2022 елның 14 апреле, пәнҗешәмбе

2022 елның 13 апрелендә Тәтеш муниципаль районы делегациясе Яшел Үзән муниципаль районында узган “Гаилә тарихында гасырлар кайтавазы – Тарихта без эзлебез” фестиваленең зона этабында катнашты.

Фестивальдә Тәтеш, Апас, Буа, Яшел Үзән, Кайбыч, Чүпрәле һәм Кама Тамагы районнарыннан 7 команда чыгыш ясады. Милли һәм гаилә ризыкларыннан әзерләнгән күргәзмә оештырылды. Шулай ук шәҗәрә презентациясен күрсәтү белән үрелеп барган “Таныш булыгыз, минем гаиләм, минем нәселем!” гаилә командалары конкурсы да программада үз урынын алды.

Безнең районны әлеге фестивальдә Олы Тарханнан Сибишовлар - Гилмутдиновлар гаиләсе тәкъдим итте. Фестиваль йомгаклары буенча гаиләләр дипломнар белән бүләкләнделәр.