Хөрмәтле Тәтеш муниципаль районы халкы!

2022 елның 22 августы, дүшәмбе

Сезне бәйрәм — Россия Федерациясе Дәүләт флагы көне белән котлыйм!

Россия флагы герб һәм гимн белән беррәттән безнең дәүләтчелек символы. Хәзер Россия триколоры- азатлык, гаделлек, бердәмлек һәм ул илебез бөеклеген гәүдәләндерә. Бу флаг астында безнең ватандашларыбыз батырлыклар кылалар, хезмәт, мәдәни, спорт һәм фәнни казанышлар күрсәтәләр.

Дәүләт символларына балачактан сакчыл караш, яшьләрдә үз Ватаныңа карата хөрмәт һәм мәхәббәт формалаштырыр дип ышанам.

Кадерле тәтешлеләр, сезгә сәламәтлек һәм гаилә иминлеге телим! Ә илебезгә -  чәчәк ату һәм алга таба үсеш.

Тәтеш муниципаль районы башлыгы Р. Х. Сафиуллов