Туган телдә эшләүче педагогларның республика конкурсының зона этабы

2023 елның 26 октябре, пәнҗешәмбе

26 октябрьдә Әлмәт шәһәренең 6 нчы «Жар-птица» балалар бакчасы базасында «Туган телдә мәктәпкәчә белем бирү программаларын гамәлгә ашыручы иң яхшы педагог» республика педагогик осталык конкурсының зона этабы узды.

«Мордва теле» номинациясендә Килдеш авылы «Елмаю» балалар бакчасы тәрбиячесе Исаева Елена Петровна катнашты.

Педагог балалар белән чара һәм методик лаборатория тәкъдим итте. Зона этабы нәтиҗәләре буенча Елена Петровна Казан шәһәрендәге конкурс финалында Тәтеш районы исеменнән чыгыш ясаячак.