Тәтеш мәктәбе хәбәр итә

2023 елның 25 декабре, дүшәмбе

Бүген Буа дәүләт драма театрында белем бирү уку йортлары арасында татар балалар-яшүсмерләр театр коллективлары төбәкара "Ният" фестиваль-конкурсының йомгаклау этабы узды. Тәтеш шәһәре А.А. Соколовский исемендәге  2 нче Тәтеш урта гомуми белем бирү мәктәбенең «Фантазияләр илендә» театр коллективы кече төркем категориясендә 3 урынны яулады.

"Фантазияләр илендә" коллективы (2 Б класс), театр берләшмәсе җитәкчесе, тәрбия буенча директор киңәшчесе Саматова Гүзәл Нәзил кызы жюриның югары бәясен алды. Балалар татар телендә "Шалкан" ("Репка") спектаклен тәкъдим иттеләр.