Ватанны яклау – ул һөнәр!
10 гыйнвар көнне «П.С.Ханжин исемендәге 1 нче Тәтеш урта гомуми белем бирү мәктәбе»ндә мәктәпнең администрациясе һәм Юнармия штабы җитәкчесе Ванюхин А. В. тарафыннан 2023 елда Санкт-Петербург шәһәренең Михайловск хәрби артиллерия академиясен тәмамлаучылар Щуров Артем, Потапов Данил һәм Таранов Леонид белән очрашу оештырылды. Курсантларны мәктәп директоры И. Р. Фәтхуллов һәм Тәтеш районы хәрби комиссары Ф. А. Гарифуллин сәламләде. Балалар югары сыйныф укучыларына сайланган һөнәрнең үзенчәлекләре, академиягә укырга керү тәртибе, хәрби югары уку йортында уку һәм көндәлек тормыш үзенчәлекләре, хәрби һөнәрнең киләчәккә перспективалары турында сөйләделәр. Шунысын да билгеләп үтәргә кирәк, Щуров А. хәзер үк взвод командиры булып тора. Укучылар курсантларны зур кызыксыну белән тыңладылар һәм сораулар бирделәр.