Балалар китапханәсе хәбәр итә

2024 елның 22 июле, дүшәмбе

Балалар китапханәсе хезмәткәрләре «Табигать анасының теләсә нинди могҗизасы бар»  дигән әдәби – экологик вернисаж үткәрделәр. Чарада паркта ял итүче балалар катнашты. Алар экологиянең нәрсә икәнен белделәр, табигатьтә үзеңне ничек тотарга кирәклеге турында киңәшләр тыңладылар. Балалар танылган язучы – натуралистлар: М.М. Пришвин, К.Г. Паустовский, Е.И. Чарушин, Н.И. Сладков, В.В. Бианки, Б.С. Житков әсәрләрен искә төшерделәр.

Яшь укучылар «Табигатькә дус бул» экологик викторинасы сорауларына җавап бирделәр, «Табигать дөньясы» сораштыруында яхшы белемнәрен күрсәттеләр, гөмбәләр турындагы табышмакларны актив чиштеләр, «Дару үсемлекләре» пазлларын җыйдылар, шулай ук «Таныш чит кешеләр» уенындагы листовкаларны шифрладылар.