Чыгарылыш сыйныф укучыларының Казан дәүләт аграр университеты һәм Н.Э. Бауман исемендәге Казан дәүләт ветеринария медицинасы академиясе вәкилләре белән очрашуы

2024 елның 23 октябре, чәршәмбе

Казан дәүләт аграр университетында һәм Н.Э. Бауман исемендәге Казан дәүләт ветеринария медицинасы академиясендә Авыл яшьләре арасында аграр һөнәрләрнең абруен күтәрү максатларында мәгълүмати-консультация бригадалары оештырылды, аларның бурычлары: укучыларга авыл территорияләрен үстерү һәм агросәнәгать комплексына ярдәм итү буенча дәүләт тарафыннан алып барыла торган сәясәт турында консультация бирү; агросәнәгать комплексы өлкәсендә һөнәрләрне популярлаштыру, аграр югары уку йортларына керү.

Шуңа бәйле рәвештә 2024 елның 22 октябрендә югары уку йортлары вәкилләренең шәһәр мәктәпләренең 8-11 сыйныф укучылары һәм Тәтеш авыл хуҗалыгы техникумы студентлары белән һөнәри юнәлеш бирү очрашуы узды.