Үзәк китапханә хәбәр итә
Сәяси репрессия корбаннарын искә алу көненә үзәк китапханә хезмәткәрләре «Тәтеш гражданнарны яклау көллияте» ДАҺБУ студентлары өчен «...номерлы эш »дигән тарихи экскурсия уздырды.
Чара кысаларында XX гасырның 1930 нчы елларындагы фаҗигале вакыйгалар хронологиясе ачылды. Китапханәчеләр билгеләп үткәнчә, сәяси репрессия корбаннарын искә алу көне ил тарихында авыр вакытны искә төшерә. Сталин репрессияләре астына гади гражданнар да, фән һәм сәнгатьнең күренекле эшлеклеләре дә эләккән. Бу исемлектә язучылар һәм шагыйрьләр — Александр Солженицын, Варлам Шаламов, Николай Заболоцкий, Осип Мандельштам, Даниил Хармс, Борис Пильняк һәм башкалар.
Чара барышында Анна Ахматованың «Реквием» поэмасыннан өзекләр, Осип Мандельштам, Николай Заболоцкийның тирән эчтәлекле шигырьләре, Варлам Шаламов һәм Александр Солженицын истәлекләре яңгырады, алар үзләрендә Сталин лагерьларының бөтен коточкычлыгын тойдылар. Катнашучылар репрессия елларында һәлак булганнарны бер минут тынлык белән искә алдылар.