Келәш модель китапханәсе хәбәр итә

2024 елның 24 декабре, сишәмбе

Бүген Келәш балалар бакчасы балалар аз булуга да карамастан, шау - гөр килеп торды. Бакча хезмәткәрләре мәдәният хезмәткәрләре белән берлектә искиткеч Яңа ел тамашасы күрсәттеләр. Театраль бәйрәм чарасына әкият персонажлары кунакка килде, әлбәттә иң көтелгән кунаклар Кыш бабай белән Кар кызы иде. Балалар олылар, әти-әниләре белән матур итеп бизәлгән чыршы тирәсендә әйлән-бәйлән, төрле уеннар уйнадылар, ярыштылар, яраткан Кыш бабайларына шигырьләр сөйләделәр. Кыш бабайның серле сандыгында алар өчен күп бүләкләр әзерләнгән иде. Яңа ел бәйрәмнәренә башлангыч бирелде, аларның күңелле һәм хәвеф-хәтәрсез үтүен, ә Яңа 2025 нче елның бары тик шатлыклар гына алып килүен телибез.