«Кеше тәрбияләргә», «Йөрәгемне балаларга бирәм» тәрбия өлкәсе хезмәткәрләренең һөнәри осталыгы республика конкурсының республика этаплары

2025 елның 24 феврале, дүшәмбе

2025 елның 24 февраленнән 14 апреленә кадәр «Кеше тәрбияләргә», «Йөрәгемне балаларга бирәм» тәрбия өлкәсе хезмәткәрләренең һөнәри осталык конкурсларының республика этаплары узачак. Конкурсның максаты - Татарстан Республикасының рухи-әхлакый кыйммәтләре, тарихи һәм милли-мәдәни традицияләре нигезендә гармонияле рәвештә үскән һәм социаль җаваплы шәхес тәрбияләүнең яңа формаларын, тәҗрибәләрен һәм инновацион педагогик тәҗрибәсен ачыклау һәм профессиональ бергәлеккә трансляцияләү.

Тәтеш районыннан 3 тәрбия өлкәсе педагогы – муниципаль этапта үз номинацияләрендә җиңүчеләр катнашачак:

«Сыйныф коллективын тәрбияләү» номинациясе

Рәхмәтуллина Ф.М., Олы Тархан урта мәктәбенең 6 сыйныф җитәкчесе;

«Балалар иҗтимагый оешмаларының, берләшмәләренең тәрбия траекторияләре» номинациясе

Максимова А.А., Тәтеш татар урта мәктәбенең педагог-оештыручысы;

«Балачак навигаторлары» номинациясе

Игнатьева А.С., Нармонка урта мәктәбенең балалар иҗтимагый берләшмәләре белән тәрбия һәм үзара хезмәттәшлек буенча директор киңәшчесе.