«Андерсенның тылсымлы дөньясы»
Балалар китапханәсендә «Андерсенның тылсымлы дөньясы» исемле мавыктыргыч әдәби ачышлар сәгате узды. Чарада «Каенкай» балалар бакчасында тәрбияләнүчеләр катнашты. Әлеге чара ел саен 2 апрельдә, бөек әкиятче Ганс Христиан Андерсенның туган көнендә билгеләп үтелә торган Халыкара балалар китабы көненә багышланган иде. Мәктәпкәчә яшьтәге балалар Андерсен әкиятләре иле буйлап мавыктыргыч сәяхәткә шатланып киттеләр, анда аның тормышыннан һәм иҗатыннан кызыклы фактлар белән таныштылар. Алар бөек әкиятченең иң танылган әсәрләрен искә төшерделәр һәм викторина сорауларына җавап бирделәр. Бигрәк тә күңелле һәм җанлы физкультминут истә калды, ул вакытта балалар мультфильм персонажы белән бергә биеделәр. Очрашу азагында балалар Г.Х. Андерсенга багышланган «Дания Корольлегенең әкиятчесе» күргәзмәсендә тәкъдим ителгән китапларны зур кызыксыну белән карадылар.