Герой Партасы
21 апрель көнне Ватанны саклаучылар елы кысаларында Җиңүнең 80 еллыгы алдыннан Ханжин П. С. исемендәге Тәтеш 1 нче урта гомуми белем бирү мәктәбендә «Герой партасы»н ачу тантанасы булды. Бу парта безнең мәктәпне тәмамлаган Россия Герое Артем Иванович Кузинга багышлана, ул хәрби бурычын үтәгәндә батырлык, каһарманлык һәм кыюлык күрсәтә.
Герой партасын ачу - хөрмәт күрсәтү генә түгел, ул барыбызга да батырлык, фидакарьлек һәм Ватанга мәхәббәт турында искә төшерү. Бу - тарихка кагылу, якташыбызның тормышы һәм батырлыклары турында белү, аның үрнәгеннән илһам алу мөмкинлеге.
Тантаналы чарада мәктәп директоры, Юнармия йорты җитәкчесе Фаткуллов И.Р., Иванов Н. П. исемендәге Юнармия отряды җитәкчесе Ванюхин А.В., безнең яшь армиячеләр һәм мәктәп укучылары катнашты.
Герой партасы артында утыру хокукы мәктәбебезнең иң яхшы укучыларына, укуда, спортта һәм иҗтимагый тормышта уңышларга ирешкәннәргә биреләчәк.
Герой партасы мемориаль объект булып кына калмыйча, безнең мәктәбебез, безнең геройларыбыз һәм безнең илебез өчен горурлык символы да булачагына ышанабыз!