"Кеше тәрбияләү" республика конкурсының финалы

2025 елның 15 мае, пәнҗешәмбе

     13-14 майда Казанның "Сәяхәт" балаларга өстәмә белем бирү үзәгендә "Кеше тәрбияләү" конкурсының финалы узды һәм ул тәрбия өлкәсендә иң яхшы белгечләрне җыйды.

   Конкурста катнашучылар белем бирү процессының тәрбиягә һәм модернизациягә  караган инновацион алымнарын тәкъдим иттеләр.

  Конкурс кысаларында Анастасия Сергеевна Нармонка урта гомуми белем бирү мәктәбенең медиакиңлекне үстерү буенча эш тәҗрибәсе белән уртаклашты.

      Конкурс нәтиҗәләре буенча "Балачак навигаторлары" номинациясендә Нармонка урта  гомуми белем бирү мәктәбе директоры киңәшчесе Игнатьева Анастасия Сергеевна иң яхшы унлыкка керде.

      Чын күңелдән котлыйбыз һәм алга таба да һөнәри җиңүләр телибез!