Тәтеш шәһәренең "Сабый" балалар бакчасы яңалыклары

2025 елның 15 мае, пәнҗешәмбе

15 майда бөтен дөньяда Халыкара гаилә көне билгеләп үтелә. Гаилә-һәр кешенең тормышында иң кадерлесе, иң мөһиме. Бүген "Сабый" балалар бакчасында тәрбияләнүчеләр белән әлеге тема буенча әңгәмәләр үткәрелде. Балалар гаиләнең якын һәм туган кешеләр булуын, кемне яратырга, кемнән үрнәк алырга, кемне кайгыртырга, кемгә игелек һәм бәхет теләргә кирәклеген искә төшерделәр. Әңгәмәләрдән соң урта төркем балалары ата-аналар өчен коллектив котлау открыткасы ясадылар, ә өлкән яшьтәге балалар гаилә фоторәсемнәре өчен матур рамкалар ясадылар. Әлеге чаралар белән без балаларда үз гаиләләренә, йортларына карата мәхәббәт һәм ихтирам тәрбиялибез, гаиләнең барлык әгъзаларына карата ихтирамлы мөнәсәбәт тәрбиялибез. Балаларыбыз бәхетле гаиләләрдә үссен!