Олы Тархан мәдәният йорты хәбәр итә

5нче июнь көнне Олы Тархан авылы мәдәният хезмәткәрләре кече һәм урта мәктәп яшендәге балалар өчен юл хәрәкәте иминлеген профилактикалау кысаларында «Имин каникуллар» дигән профилактик акция үткәрделәр.

Уку елы тәмамланды,алда укучыларның җәйге каникуллары. Каникулларның балалар өчен куркынычсыз булуы мөһим. Әмма шуны истә тотарга кирәк: җәй - ул әле, кызганычка каршы, балалар тормышы һәм сәламәтлеге өчен иң зур куркыныч вакыты да. Төрле куркынычлар балаларны тәүлекнең теләсә кайсы вакытында, бөтенләй теләсә кайсы урында сагалап торырга мөмкин. Җәйге каникуллар күңелсезлекләр белән караңгыланмасын өчен, хезмәткәрләр балалар белән җәй көне үз-үзләрен тоту кагыйдәләре турында сөйләштеләр. Башта балалар «Имин каникуллар» презентациясен карадылар, аннары янгын куркынычсызлыгы кагыйдәләрен, җәмәгать урыннарында, сулыкларда үз-үзеңне тоту кагыйдәләрен, юл хәрәкәте кагыйдәләрен, велосипедта йөргәндә саклык чаралары турында, урамнарда, урманда үз-үзеңне тоту кагыйдәләрен кабатладылар. Куркынычсызлык кагыйдәләрен искә төшерделәр, өйләр үзләре генә калганда, нинди куркынычлар булырга мөмкин.