Түбән Тархан авыл клубы хәбәр итә
25 июль Түбән Тархан авыл клубында юл хәрәкәте куркынычсызлыгын профилактикалау кысаларында «Велосипедчы куркынычсызлыгы» дип исемләнгән мәгълүмати-профилактик әңгәмә булып узды. Әңгәмә барышында машина юлында үз-үзеңне тоту кагыйдәләрен искә төшерделәр һәм велосипедның иң тотрыксыз һәм потенциаль куркыныч чараларның берсе булуын ассызыкладылар. Юл өслегенең тигезсезлеге, кискен тормозлаулар һәм тигезлекне югалту белән бәйле мөмкин булган куркынычлар каралды. Чарада катнашучылар велосипедчылар хәрәкәтен көйләүче төп юл билгеләрен кабатладылар һәм шлем, тезлек, терсәк һәм перчатка кебек пассив саклану чараларын, шулай ук караңгы вакытта яктылыкны кире кайтара торган элементларны куллану кирәклегенә игътибарны юнәлттеләр. Шулай ук катнашучыларның велосипед һәм самокат кебек индивидуаль мобильлек чаралары белән идарә итү кагыйдәләре буенча белемнәрен тикшерүгә юнәлдерелгән викторина үткәрелде.
Чара азагында катнашучыларның барысына да велосипедта йөргәндә куркынычсызлык кагыйдәләрен үз эченә алган мәгълүмати белешмәләр тапшырылды.