Льяш авыл җирлеге хәбәр итә

2025 елның 2 августы, шимбә

Авылда урак өсте – иң тынгысыз чор. Урак-ул кыска, ә киеренкелек бик зур таләп итә. Урып - җыю вакытында авыл хезмәтчәннәренә җыр белән ярдәм итү-Совет чорыннан ук килә торган гадәт. Ул үзенең актуальлеген бүген дә югалтмады. Кояшлы көндә һәр минут кадерле, шуңа күрә үзешчән артистлар төшке аш вакытында игенчеләргә тулы ял итү тойгысы бүләк итәргә, дәртле җырлары белән кәефне күтәрергә һәм арыганлыкны таратырга тырышалар.

1 август көнне Льяш авыл җирлегенең мәдәният хезмәткәрләре кыска гына төшке аш вакытында кыр хезмәтчәннәре алдында кечкенә генә чыгыш ясадылар. Агитбригадада катнашучылар сәламәтлек, күңел күтәренкелеге, урып-җыю кампаниясенең уңышлы тәмамлануын, уңай һава шартлары булуын теләделәр.