Математика укытучылары Казандагы семинарда квалификацияләрен күтәрделәр

2025 елның 30 сентябре, сишәмбе

«Яшьләр һәм балалар» милли проекты, «Педагоглар һәм остазлар» проекты кысаларында 30 сентябрьдә Казан шәһәренең Совет районы 181 нче күппрофильле мәктәбендә математика укытучылары өчен гамәли юнәлешле семинар узды. Чара Дәүләт йомгаклау аттестациясенә (ГИА) әзерлек мәсьәләләренә багышланган иде.

Семинарның үзенчәлеге Татарстанның төрле районнарыннан килгән педагогларның актив катнашуы булды. Кунаклар арасында Тәтеш муниципаль районыннан математика укытучылары делегациясе бар иде. Катнашучылар иң нәтиҗәле методикалар һәм әзерлек стратегияләре, укучыларны имтиханнарга әзерләү турында фикер алыштылар, үз тәҗрибәләре белән уртаклаштылар һәм хезмәттәшләреннән кыйммәтле киңәшләр алдылар.