Тәтеш район мәдәният йорты хәбәр итә
5 октябрь Жуково авыл мәдәният йортында Эвелина Пиженко пьесасы буенча 1941-1945 еллардагы Бөек Ватан сугышында Җиңүнең 80 еллыгына, Россия Федерациясендә һәм Татарстан Республикасында Ватанны саклаучы елына багышланган «Бабоньки» спектакленең премьерасы булып узды. Әлеге пьеса сугыш елларында колхозчы хатын-кызларның язмышы турында. Хәрәкәт үзәгендә -бер-берсенә бик дус булмаган ике күрше хатыны. Ирләрен фронтка озаткач, алар өйдә дә, колхозда да ирләр эшен үз өсләренә алырга мәҗбүр булалар. Ләкин хәзер үткәндәге үпкәләр һәм авырлыклар гомуми кайгы каршында вак булып тоела. Төп рольләрне оста башкарган авыл үзешчәннәре тамашачыларны сугыш чуалышына чумдырдылар. Премьерага килгән авыл халкы спектакльдә катнашучыларның хис-кичерешләрен уртаклаштылар, һәр сәхнәне алкышлар белән каршыладылар. Спектакльнең азагында үзешчәннәр исеменә Татарстан Республикасы Тәтеш муниципаль районы Башкарма комитетының мәдәният бүлеге җитәкчесе Арцыбашев С.Ю. һәм Жуково авыл җирлеге башлыгы Борисова Н.А. исеменнән рәхмәт сүзләре яңгырады, алар катнашучыларга киләчәктә дә иҗади уңышлар теләделәр.