Тәтеш муниципаль районы Башлыгының юл хуҗалыгы хезмәткәрләре көне белән котлавы
19 октябрь - юл хуҗалыгы хезмәткәрләре көне. Хөрмәтле Тәтеш районы юл хуҗалыгы хезмәткәрләре һәм ветераннары!
Сезне чын күңелдән һөнәри бәйрәмегез белән котлыйм!
Сезнең армый-талмый хезмәтегез нәтиҗәсендә безнең шәһәрдә һәм районда транспорт инфраструктурасы эзлекле рәвештә үсә һәм автомобиль юллары челтәренең сыйфаты яхшыра. Сезнең эш хәтта иң ерак торак пунктларны да үстерү өчен яңа мөмкинлекләр ача, йөк һәм пассажирлар ташуны нәтиҗәлерәк һәм мобильрәк итә. Сез кешеләрне якынайтасыз, тәтешлеләрнең тормыш сыйфатын яхшыртуга бәяләп бетергесез өлеш кертәсез, аларның мәдәни һәм мәгариф офыкларын киңәйтәсез. Сезнең җаваплы һәм кирәкле һөнәрегездән башка агросәнәгать комплексының, сәүдәнең һәм социаль өлкәнең тотрыклы үсешен күз алдына китерү мөмкин түгел.
Сезгә нык сәламәтлек, гаиләләрегездә иминлек һәм туган районыбыз хакына яңа һөнәри казанышлар телим!
Тәтеш муниципаль районы башлыгы Р. Х. Сафиуллов