Мәдәният яңалыклары

2025 елның 20 октябре, дүшәмбе

18 октябрь Богдашкино авылы мәдәният йортында «Алга, Россия уллары!» дип исемләнгән, 1941-195 еллардагы Бөек Ватан сугышында Җиңүнең 80 еллыгына, Россия Федерациясендә һәм Татарстан Республикасында Ватанны саклаучылар елына багышланган, «2025 елның иң яхшы мәдәни - ял итү учреждениесе» II район күзәтү - конкурсы кысаларында хәрби-патриотик чара булып узды.

Мәдәният йорты фойесында авылның халык осталары катнашында кәрзин үрү һәм ротангтан эшләнмәләр ясау буенча мастер-класслар, «Кулинар тылсым» милли кухня күргәзмәсе оештырылган иде. Чараның аерым кунагы – махсус хәрби операциядә һәлак булган Долгов Александр Николаевичның абыйсы Сергей Долгов булды, ул «Батырлык Ордены» белән бүләкләнгән абыйсының батырлыгы турында сөйләде, биредә герой абыйсының фотолары, документаль материаллары, бүләкләре һәм хәрби истәлекләре тәкъдим ителде.

Концерт программасында мәдәният йортының иҗади башкаручылары һәм коллективлары катнашты. Театральләштерелгән концертның сюжет линиясенә чуашларның борынгы армиягә озату йоласы күрсәтелде.

Патриотик кичәгә махсус хәрби операциядә катнашучыларның әниләре һәм туганнары чакырылган иде, аларга карата бик күп җылы сүзләр яңгырады һәм чәчәк бәйләмнәре бүләк ителде. Тамаша залындагы хис-кичерешләр якташларыбыз, халкыбыз, Россия өчен патриотизм һәм горурлык хисе белән тулган иде.