Мәдәният яңалыклары
23 октябрь Түбән Тархан авыл клубында «2025 елның иң яхшы мәдәни-ял учреждениесе» II район күзәтү-конкурсы кысаларында 1941-1945 еллардагы Бөек Ватан сугышында Җиңүнең 80 еллыгына, Россия Федерациясендә һәм Татарстан Республикасында Ватанны саклаучылар елына багышланган «Ватан хакына: хезмәт, батырлык, тарих» театральләштерелгән хәтер сәгате булып узды. Клуб бинасында Бөек Ватан сугышы ветераннарының, авылда туып-үскән кешеләрнең архив фотосурәтләре куелган патриотик экспозиция урнаштырылган иде. Чараны театральләштерелгән пролог ачып җибәрде. Тамашачылар катнашучылар белән бергә сугыш язмышының барлык этапларын да кичерделәр: тыныч бәхетле вакыт, авыл Сабантуйга әзерләнә… Сугыш башлану турында белдерү...Аерылышу ачысы, авыр көтү, күптән көтелгән Җиңү... Үзешчән артистлар борынгы милли җырлар, шигырьләр һәм үткен монологлар-үзләренең якыннары, якташлары турындагы истәлекләр аша чара дәвамында фәкать иман, өмет, Ватанга мәхәббәт һәм фронт белән тыл бердәмлеге генә җиңүгә китерә дигән фикерне күтәрделәр.