Балалар китапханәсе хәбәр итә
2026 елның 15 февралендә бөек татар шагыйре, Советлар Союзы Герое Муса Җәлилнең тууына 120 ел тула. Шагыйрьнең юбилеен бәйрәм итү кысаларында МББУ «Ханжин П.С. исемендәге 1 нче Тәтеш урта мәктәбенең» 3 «А» сыйныф укучылары китапханәсендә (сыйныф җитәкчесе Микушева В. Р.) «Үз гомеремне халкыма бирәм» әдәби сәгатендә актив катнаштылар.
Китапханәче укучыларны шагыйрьнең балачагы һәм яшьлеге, шигырьләр язу хыялы белән таныштырды. Соңыннан яшь тыңлаучылар Муса Җәлилнең Бөек Ватан сугышындагы батырлыклары турында белделәр. Шагыйрьнең төп коралы-шигырьләре булган фашист төрмәләрендә узган авыр елларга аерым игътибар бирелә. Очрашу вакытында Җәлилнең татар һәм рус телләрендәге шигырьләре яңгырады, ә аның сүзләренә язылган җырлар йөрәкләрне тнетте. Ахырда балаларга Муса Җәлилнең талантының яңа якларын ачкан китапларын күрсәттеләр.
Бу әдәби сәгать батырлык, ватанпәрвәрлек һәм сүз көченә ышану дәресе булды. Укучылар хәтта түзә алмаслык сынаулар алдында да кешенең үз дәрәҗәсен һәм тормышка мәхәббәтен саклавын, моны иҗатта чагылдыруын аңладылар. Муса Җәлилнең үлемсез шигырьләрендә язылган истәлеге яшь укучыларның йөрәкләрендә мәңгегә сакланып калды.