«Россия династиясе» укучыларының иҗади һәм проект эшләре төбәкара конкурсы призерлары

2026 елның 25 марты, чәршәмбе

25 мартта Казан шәһәре Идел буе районының 139 нчы Гимназия - мәгариф үзәге базасында 2026 елда «Россия династиясе» укучыларының XVII төбәкара иҗади һәм проект эшләре конкурсына йомгак ясау тантанасы булды.

Бүләкләү тантанасында Тәтеш районы мәгариф учреждениеләре укучылары: Тәтеш шәһәренең «Миләшкәй» балалар бакчасында тәрбияләнүче Хәмидуллина Мәдинә һәм Урюм урта гомуми белем мәктәбенең 6 сыйныф укучысы Дружинина Светлана катнашты. Конкурс йомгаклары буенча кызлар Татарстан Республикасы Мәгариф һәм фән министрлыгының III дәрәҗә дипломнары белән бүләкләнделәр.

Җиңүчеләрне һәм педагогларны  ирешкән уңышлары белән котлыйбыз һәм яңа җиңүләр телибез! Туган як гаиләләренең тарихын саклап калуыгыз өчен рәхмәт белдерәбез!