12 апрель - православие динендәге кардәшләребезнең олы бәйрәме
Тәтеш районында яшәүче православларга район Башлыгы Рәмис Сафиуллов мөрәҗәгать итә:
- Бу бөек көн тормыш, игелек һәм өмет тантанасын гәүдәләндерә. Пасха йөрәгебезне үзенә бертөрле шатлык белән тутыра, безне мәңге бетмәс кыйммәтләр – шәфкатьлелек, кызгану, якыннарыбызны ярату һәм рухи яңарышка омтылу тирәсенә берләштерә. Бу бәйрәм көннәрендә без якыннарыбызга ярдәм итүнең, тирә-юньдәгеләргә игътибарлы булуның һәм ярдәмгә мохтаҗлар турында кайгыртуның мөһимлеген аеруча нык сизәбез.
Безнең районда күп гасырлар дәвамында төрле халыклар һәм дин вәкилләре тату яши. Пасха бәйрәме һәр халыкның гореф-гадәтләренә һәм мәдәниятенә хөрмәт безнең уртак көчебезнең нигезен тәшкил итүен күрсәтә. Конфессияара диалог, үзара хөрмәт һәм бердәм әхлакый идеалларга омтылу-районыбызга ышанычлы үсәргә һәм тотрыклылыкны сакларга мөмкинлек бирә торган нәрсәләр.
Чын күңелдән нык сәламәтлек, җан тынычлыгы, гаиләләрдә иминлек һәм иртәгесе көнгә ышаныч телим. Бу якты бәйрәм һәр йортка шатлык, җылылык һәм яхшылыкка өмет китерсен. Тормыш юлында ышаныч, игелек һәм үзара аңлашу һәрвакыт юлдаш булсын.
Тәтеш муниципаль районы башлыгы Р. Х. Сафиуллов