Бакырчы авылында "Ак калфак" хатын-кызлар оешмасының күчмә утырышы

31  августта Бакырчы авылында Р. Г.Сафиуллова җитәкчелегендәге  район "Ак калфак" хатын-кызлар оешмасының күчмә утырышы булды. Утырышта Ульяновск "Ак калфак" оешмасы әгъзалары, журналист Г. Сафиуллина ("Сөембикә") катнашты. Кунаклар яңартылган "Хәят" чишмә комплексы, Бакырчы авылы тарихы музее белән һәм "Яшь киленгә су юлы күрсәтү" йоласы белән таныштылар. Утырыш барышында яшь буынга милли тәрбия бирү һәм мәктәпләрдә ана телен укыту мәсьәләләре буенча фикер алышу булды.