Тәтеш шәһәренең «Әкият» катнаш төрдәге балалар бакчасы администрациясе «Тәтеш урманчылыгы» ДКУ җитәкчесе Ранил Заһит улы Рәхмәтуллинга һәм «Тәтеш урман хуҗалыгы» ДБУ директоры Рәис Шамил улы Халитовка балалар мәйданчыкларын төзекләндерү өчен пиломатериаллар алуда, аерым алганда комлык һәм эскәмияләрне яңартуда спонсорлык ярдәме өчен чын күңелдән рәхмәт белдерә.
Меценатлык һәрвакыт мактаулы шөгыль булып санала. Сезнең шушы игелегегез һәм балалар бакчасы тормышында катнашуыгыз сезгә санаусыз уңышлар булып әйләнеп кайтсын.
Сезгә һәм сезнең коллективларга иминлек, сәламәтлек телибез һәм киләчәктә дә үзара аңлашып, нәтиҗәле хезмәттәшлек итүгә өметләнәбез.