«Авырлык һәм бәхет белән үткән тормыш»

2023 елның 5 октябре, пәнҗешәмбе

Үзәк китапханә хезмәткәрләре шагыйрә Марина Цветаеваның тормышына һәм иҗатына багышланган «Авырлык һәм бәхет белән үткән тормыш» дип исемләнгән әдәби кичә үткәрделәр. Алып баручылар чарада катнашучыларны шагыйрәнең тормышы һәм иҗаты, тематик киштәдә тәкъдим ителгән шигырьләр җыентыклары белән таныштырдылар. Очрашуда Марина Цветаеваның шигырьләре яңгырады. Китапханәчеләрнең фаҗигале хатын-кыз язмышы турындагы хикәясе искиткеч тирән атмосфера тудырып кына калмады, аның шигырьләрен искә төшерергә һәм укырга теләк уятты.