Хөрмәтле Тәтеш муниципаль районы халкы! Сезне Татарстан Республикасы Конституциясе көне белән ихлас күңелдән тәбрик итәм!

2023 елның 6 ноябре, дүшәмбе

Бүген без бердәмлек һәм закончылыкны саклау төшенчәләренең туган җиребез  иминлеге өчен никадәр мөһим икәнлеген аңлауга әйләнеп кайтабыз. 

Бүгенге Татарстан – Россиянең иң куәтле һәм заманча алдынгы регионнарыннан берсе. Үзара татулык һәм милләтләр дуслыгының  нигезен киләчәктә дә ныгыту кирәклеген аңлап, без төрле халыкларның мәдәни байлыкларына һәм гореф-гадәтләренә ихтирамлы булырга тиешбез.

Конституция Татарстан халкының барлык мәнфәгатьләрен үз өченә туплап, өмет-хыялларын чагылдыра, киләчәккә ышаныч беркетә.

Барыгызга да тормыш дәрте, киләчәккә  ышаныч, гаилә иминлеге, тынычлык һәм бөтен эшләрегездә уңышлар телим. Бәйрәмнәр белән! 

Тәтеш муниципаль районы башлыгы                          Р.Х. Сафиуллов