Байраш авыл мәдәният йорты хәбәр итә

2024 елның 2 апреле, сишәмбе

1 апрель көнне Байраш авыл мәдәният йорты хезмәткәрләре "Узып баручыга елмаю бүләк ит" акциясе оештырды. Үткән кешеләрнең күңелләрен күтәрү өчен, мәдәният хезмәткәрләре, балалар белән урамга чыгып, узып баручыларга  үзләренең «шатлыклы» елмаюларын бүләк иттеләр, кызыклы открыткалар тараттылар. Һәм кешеләр елмайды.

Акция уңышлы үтте, чөнки хәзер авылдашлар йортларында мәңгелек позитив символлары яшәячәк, ә аларга карап ирексездән елмаясы килә башлый.