Мәктәпкәчә учреждениеләр педагогларының куст методик берләшмәсе

2024 елның 23 апреле, сишәмбе

Бүген Алабирде авылының «Миләшкәй» балалар бакчасы базасында мәктәпкәчә учреждениеләр тәрбиячеләренең куст методик берләшмәсе узды.

Семинар мәктәпкәчә яшьтәге балаларны гаиләгә мәхәббәт аша әхлакый-патриотик тәрбияләү темасына багышланган иде. Семинар барышында белем бирү эшчәнлеге, тәрбияләнүчеләрнең ата-аналары белән эш тәҗрибәсе, патриотик тәрбия буенча предмет-тирә як мохитне рәсмиләштерү тәкъдим ителде. Балалар бакчасында тәрбияләнүче Самира әнисе белән бергә үз гаиләсенең шәҗәрә агачын тәкъдим итте. Семинарда катнашучылар әхлакый-патриотик хисләр тәрбияләү өлкәсендә эш тәҗрибәсе белән уртаклаштылар.