Тәтеш район мәдәният йорты хәбәр итә
29 апрель Тәтеш районы мәдәният йортында Зур Әтрәч авылыннан Исхак Фәйзуллинның «Тау ягыннан без…» дигән иҗат кичәсе булып узды. Кичәнең төп хуҗасына хөрмәт белдерергә шагыйрьнең туганнары, якын дуслары, хезмәттәшләре җыелды. Бәйрәмнең мактаулы кунаклары: Россия Федерациясе агросәнәгать комплексының мактаулы хезмәткәре, «Халыкара хатын-кызлар берлеге» оешмасында Татарстан Республикасының рәсми вәкиле, «Колос» А/Ф ҖЧҖ директоры, «Сафиуллова Р.Г.» КФХ башлыгы, Тәтеш муниципаль районының «Ак калфак» татар хатын-кызлары иҗтимагый оешмасы җитәкчесе Сафиуллов Рима Гомәр кызы, «Нур» А/Ф ҖЧҖ җитәкчесе Радик Нургалиев катнаштылар. Концерт программасында татар эстрадасының танылган артистлары Фәрит Низамиев, Фәнил Фәйзуллин, Самат Нургалиев, шулай ук үзешчән артистлар катнашты.
Чарада Исхак Фәйзи шигырьләренә җырлар һәм язучының эчкерсез, тирән хисләр тудыручы һәм тыңлаучыларны уйланырга мәҗбүр итүче көчле тирән эчкерсез шигырьләре яңгырады.
Шагыйрьнең бөтен иҗаты ул туган һәм үскән төпкә, аның кешеләренә, туган табигатенә мәхәббәт белән сугарылган.
