Нармонка мәктәбе хәбәр итә

2024 елның 3 октябре, пәнҗешәмбе

Яхшы иске хакыйкать бар: Яшь гомер саны белән түгел, бәлки күңел халәте белән билгеләнә. Һәм бу, һичшиксез, шулай! Син актив, тормыштан арымаган өлкән яшьтәге кешеләрне күргәндә, аларның ничек бәхетле булуын аңлыйсың.

Ләкин башка мисаллар да бар, билгеле бер яшькә җиткәч, кешеләр ялгызлык тойгысы кичерә, аларның аралашу даирәсе һаман тарая бара һәм аларга үзләренең онытылмаганнарын, туганнарына, якыннарына, җәмгыятькә әле кирәк булуларын искә төшерүдән дә мөһимрәк нәрсә юк. Күркәм гадәт буенча, октябрьнең беренче көнендә без Халыкара өлкәннәр көнен билгеләп үтәбез. Өлкәннәр көне-зирәклек, игелек һәм хөрмәт көне ул!

Бу бәйрәм өлкән буынның безнең яратуга, кайгыртуга һәм игътибарыбызга мохтаҗ булуын тагын бер кат аңларга мөмкинлек бирә. Матур һәм якты бәйрәмдә без әти-әниләребезне, әби-бабаларыбызны гына түгел, бистәбездәге барлык өлкән яшьтәге кешеләрне дә аерым игътибар белән чолгап алабыз.

Дәресләрдән соң Нармонка мәктәбе укучылары һәм яшь армиячеләре «көмеш яшьтәге»кешеләргә шатлык һәм елмаю бүләк итеп, педагогик хезмәт ветераннарын, авыл халкын Өлкәннәр көне белән шәхсән котладылар. Балалар шулай ук мәгариф хезмәткәрләренә бүләкләр тапшырдылар.