Нармонка мәктәбе хәбәр итә
18 октябрь көнне Нармонка мәктәбендә 1-6 сыйныф укучылары "юл хәрәкәте иминлеге" ДБУнең Казан шәһәрендәге территориаль идарәсенең профилактика бүлегенең Буа бүлекчәсе начальнигы С.М. Мурзакова белән очраштылар. Әңгәмәнең максаты - балаларның юл – транспорт травматизмын профилактикалау.
Сиринә Мәсхүт кызы укучыларны республика территориясендә балалар катнашындагы юл-транспорт һәлакәтләре статистикасы белән таныштырды һәм юл-транспорт һәлакәтләренең төп сәбәпләрен билгеләде. Кызганычка каршы, күп кенә балалар җәяүлеләр буларак үз юлларын кыскарталар һәм машина юлы аша чыгу өчен махсус урыннардан файдаланмыйлар, тротуар булганда юлда йөриләр, еш кына юл хәрәкәте кагыйдәләрен бозып, велосипедта йөриләр.
Шулай ук укучыларга юлларда, җәяүлеләр кичүләрендә үзеңне ничек тотарга кирәклеге турында сөйләде, автотранспорт өчен балаларны тотып тору җайланмалары һәм алардан файдалану кирәклеге турында сөйләде. Очрашу ахырында Сиринә Мәсхүдовна балаларга юлда сак булуларын теләде.