Байраш төп мәктәбе хәбәр итә

2024 елның 7 ноябре, пәнҗешәмбе

6 ноябрьдә Татарстан Республикасында Конституция  – аның территориясендә яшәүче халыкларның иң төп законы көне билгеләп үтелә. Әлеге дата кысаларында мәктәптә мәгълүмат сәгате булды. Балаларга Конституциянең барлыкка килү тарихы, Татарстан Республикасы гражданнарының төп хокуклары һәм бурычлары турында сөйләделәр, Конституциянең структурасы белән таныштырдылар. Укучылар ТР Конституциясенең татар халкының дәүләтчелегенә нигез салуын, кеше һәм граждан хокукларының һәм ирекләренең өстенлекләрен тормышка ашыруын, аларны тигез хокуклы итүен белделәр. Шулай ук республикабыз символлары турында да сөйләштеләр.