Монастырь җирлек китапханәсе хәбәр итә

2024 елның 14 ноябре, пәнҗешәмбе

Гаилә елы кысаларында Монастырь җирлек китапханәчесе балалы гаиләләрне уен программасына чакырды. Катнашучылар конкурс биремнәрен кызыксынып үтәделәр, табышмакларны бергәләп чиштеләр, мәкальләр җыйдылар, әкияти викторина сорауларына җавап бирделәр, конкурсларда, тиз сөйләшүләр марафонында катнаштылар. Ахырда балаларга һәм ата – аналарга үзләренең иҗади эшләрен Күрсәтергә-өйдә макет ясарга кирәк иде. Гаилә белән үткәргән вакыт бик күңелле һәм мавыктыргыч үтте.