Профсоюз стипендияләре тапшыру

2024 елның 18 ноябре, дүшәмбе

15 ноябрьдә профсоюз стипендияләрен Татарстанның яшь педагоглар район советларының 10 рәисе алды. Бүләкләү Казан шәһәренең Хезмәт сараенда узды. 20 мең сумлык стипендияләрне яшь педагогларга   Гомумроссия  мәгариф  профсоюзының Татарстан  Республикасы 

оешмасы рәисе Ирина Проценко  тапшырды.  Мондый стипендияләр 10 ел элек гамәлгә куелган һәм яшь укытучылар белән актив эш алып барган һәм аларны профсоюз хәрәкәтенә җәлеп иткән өчен бирелә. Быел Тәтеш муниципаль районының яшь педагоглар советы рәисе Ханжин П.С. исемендәге Тәтеш 1 нче урта мәктәбенең директор урынбасары  Гүзәл Рәис кызы  Хәмидуллина профсоюз стипендиясенә ия булды.