К.Яңа Тимбай авылы мәдәният йорты хәбәр итә

2024 елның 26 ноябре, сишәмбе

25 ноябрь К.Яңа Тимбай авылы мәдәният йортында Россия Федерациясендә Гаилә елы кысаларында «Әнигә букет» дип исемләнгән, Әниләр көненә багышланган мастер- класс булып узды.

Әниләр көне-ул үзенчәлекле бәйрәм, без әниләребезгә кылган эшләре өчен рәхмәт әйтергә телибез. Рәхмәт һәм мәхәббәтне белдерүнең иң яхшы ысулларының берсе-әнигә үз кулларың белән ясалган матур чәчәк бәйләме бүләк итү. Балалар бик тырышып гадәти булмаган тылсымлы чәчәкләр ясадылар. Мастер-класста катнашучыларның һәрберсенең җылылык һәм мәхәббәт белән тулы кабатланмас чәчәк бәйләме килеп чыкты. Балалар әниләре хөрмәтенә шундый бүләк ясауларына бик шат булдылар.

  ​