Үзәк китапханә хәбәрләре

2025 елның 28 гыйнвары, сишәмбе

Пушкин картасы федераль проекты кысаларында Үзәк китапханә хезмәткәрләре «Тәтеш авыл хуҗалыгы техникумы» ДАҺБУ студентлары өчен «Китап киштәләрендәге серләр» әдәби уены үткәрделәр. Чара барышында студентлар мантыйкка, эрудициягә һәм тапкырлыкка биремнәр башкардылар. Классик әдәбият әсәрләрен тасвирлап, китап геройларын искә алдык. Биремнәрне дөрес үтәгән өчен катнашучылар берәр кулъязма ала иде. Уен азагында командалар җыелган текстны укыдылар, ул автор Михаил Булгаковның «Мастер һәм Маргарита» романыннан 19 бүлек булып чыкты.