Келәш авылы китапханәсе хәбәрләре
2025 елның 26-28 февралендә Бөтендөнья татар конгрессы Россия Федерациясе төбәкләрендәге татар авыллары эшкуарларының XIII Бөтенроссия җыенын уздыра.
27 февральдә делегатлар Тәтеш муниципаль районына татар авылларын комплекслы үстерү тәҗрибәсе белән танышу өчен килделәр. Келәш авылында булдылар, аларны биредә җырлар, биюләр һәм традицион ризык -чәкчәк белән җылы каршы алдылар. Алар бергәләп җырлар җырладылар һәм биеделәр, бердәмлек һәм дуслык атмосферасы тудырдылар.
Мәдәният йорты фойесында кунаклар өчен чәй күргәзмәсе оештырылды. Китапханәчеләр яңартылган китапханә белән таныштырдылар. Кунаклар китап фондының байлыгына, китапханә киңлеген бизәүгә гаҗәпләнделәр. Туган якны өйрәнү зонасы буенча кызыклы һәм танып белү экскурсиясе үткәрелде, килүчеләр авылның тарихы, танылган кешеләре турында кызыксынып тыңладылар, презентация карадылар.