Тәтеш шәһәренең "Әкият" балалар бакчасы яңалыклары
Мәктәпкәчә яшьтәге балалар өчен янгын частена экскурсияләр-бу мавыктыргыч маҗара, ул һичшиксез һәр балага ошаячак һәм озак вакыт баланың исендә калачак.
Бүген «Әкият» балалар бакчасының зурлар һәм логопедия төркемнәрендә тәрбияләнүчеләр янгын сүндерү-коткару бүлегендә булдылар. Аларга А. В. Семенов һәм А. Ю. Кузнецов мавыктыргыч экскурсия үткәрделәр.
Янгын сүндерү машинасы һәм аның җиһазланышы, шулай ук янгын сүндерүчеләрнең махсус киемнәре аеруча зур кызыксыну уятты. Күпләр янгын сүндерү машинасы кабинасында утыра һәм үзләрен куркусыз янгын сүндерүче итеп тоя алдылар. Балалар теге яки бу коткару җиһазларының турында күпсанлы сораулар бирделәр һәм аларның ни өчен кирәклеген аңладылар. Шулай ук балалар янгын сүндерүче формасын һәм шәхси саклану чарасын киеп карадылар.
Янгын сүндерү бүлегендә экскурсиядә янгын куркынычсызлыгы кагыйдәләрен кабатламыйча булмый. Янгын сүндерүчеләр балаларның белемнәрен тикшерделәр һәм балаларның янгын сүндерүчеләр чакыруының 01 яки 112 номерын бик яхшы белүләренә инандылар.
Шулай ук балаларга янгын вакытында үз – үзеңне тоту кагыйдәләре турында искә төшерделәр һәм тагын бер тапкыр балаларга шырпы уенчык түгел икәненә игътибар иттеләр!
Мондый экскурсияләр мәктәпкәчә яшьтәге балаларга янгын сүндерүче һөнәре белән якыннан танышырга, шулай ук ут белән куркынычсыз эш итү кагыйдәләре турында белемнәрен ныгытырга ярдәм итә.
Кем белә, бәлки берничә елдан соң балаларның кайсыдыр туган шәһәренең янгын сүндерү частена экскурсиягә түгел, ә эшкә кайтачак!
"Әкият" балалар бакчасы педагоглары янгын часте хезмәткәрләренә экскурсия оештырганнары һәм үткәргәннәре өчен зур рәхмәт белдерәләр.