Космонавтика көне алдыннан "Башаккай" балалар бакчасында кешенең беренче тапкыр космоска очуына багышланган чара узды
Космонавтика көне алдыннан "Башаккай" балалар бакчасында кешенең беренче тапкыр космоска очуына багышланган чара узды. Максаты: балаларның космос, аны беренче булып ачучылар, танылган космонавтлар турындагы күзаллауларын киңәйтү; кызыксынучанлыкны, танып белү активлыгын үстерү, эрудициянең гомуми дәрәҗәсен күтәрү; үз Ватаныбыз өчен горурлык тәрбияләү.
Өлкән мәктәпкәчә яшьтәге балалар белән космос, Кояш системасы планеталары, очышлар, атаклы космонавтлар турында танып-белү дәресләре һәм әңгәмәләр үткәрелде. Әзерлек төркемендә тәрбияләнүчеләр космонавтика үсешенең башлангычында торган галимнәр белән таныштылар. Йолдызлар һәм планеталарның серле дөньясы сурәтләнгән иллюстрацияләрне карадык, табышмакларны чиштек. Өлкән төркемдә балалар "космонавт в космосе"аппликациясен ясадылар. Бәлки, безнең тәрбияләнүчеләрнең кайсыдыр якын киләчәктә танылган космонавт – йолдызлар киңлеген буйсындыручы булыр!
.jpg)
