Олы Тархан авыл мәдәният йорты хәбәр итә

2025 елның 21 апреле, дүшәмбе

19нчы апрель көнне Олы Тархан авылы мәдәният хезмәткәрләре балалар өчен, юл хәрәкәте иминлеген профилактикалау кысаларында «Иминлек – иң кадерле», дигән темага профилактик әңгәмә үткәрделәр. Чара балаларның юл-транспорт җәрәхәтләрен киметүгә юнәлдерелгән иде.

Әңгәмә барышында юлларда килеп чыгарга мөмкин булган төрле ситуацияләр һәм аларны булдырмау ысуллары турында фикер алыштылар. Җәяүлеләрнең һәм машина йөртүчеләрнең үз-үзләрен тоту кагыйдәләренә аерым игътибар бирелде. Чара азагында катнашучылар алып баручылардан яктылыкны кире кайтара торган элементлар (фликерлар) алдылар, фликерлар  аларга тәүлекнең караңгы вакытында юлда күренеп торырга ярдәм итәчәк.