Тәтеш районында Тукай поэзиясе яңгырады
25 апрель көнне балалар сәнгать мәктәбендә бөек татар шагыйре Габдулла Тукай иҗатына багышланган «Тукай Язы» муниципаль укучылар конкурсы булып узды. Бәйрәмнең мактаулы кунаклары: Россия Федерациясе Агросәнәгать комплексының мактаулы хезмәткәре, «Халыкара хатын-кызлар берлеге» оешмасында Татарстан Республикасының рәсми вәкиле, «Колос» А/Ф ҖЧҖ директоры, «Сафиуллова Р.Г» КФК башлыгы, Тәтеш муниципаль районының «Ак калфак» татар хатын-кызлары иҗтимагый оешмасы җитәкчесе Рима Гомәр кызы Сафиуллова, Тәтеш районы Башкарма комитеты урынбасары Наталья Васильевна Николаева, мәгариф бүлеге начальнигы Гөлнара Фәридовна Кирилина.
Чара «Яшьләр һәм балалар» милли проекты һәм «Балаларга иң яхшысы», «Педагоглар һәм остазлар», «Без бергә» ярдәмче проектлары кысаларында якты вакыйга булды, шулай ук Туган тел көненә багышланды.
«Тукай теле» конкурсы талантлы укучыларны ачыклау гына түгел, үсеп килүче буынны татар халкының бай мәдәни мирасына тартуга, ватанпәрвәрлек һәм туган телгә мәхәббәт хисләре тәрбияләүгә дә юнәлдерелгән.
Конкурсны оештыручылар катнашучыларның югары әзерлек дәрәҗәсен билгеләп үттеләр һәм мондый чаралар киләчәктә дә яшьләрнең иҗади потенциалын үстерүгә һәм милләтара татулыкны ныгытуга ярдәм итәр дип өметләнделәр.
Җиңүчеләргә дипломнар һәм татлы призлар тапшырылды.
#Молодежьидети
#Вселучшеедетям
#Педагогиинаставники
#Мывместе
#Тетюшиобразование
#ТукайЯзы
