Байраш авыл мәдәният йорты хәбәр итә

2025 елның 29 мае, пәнҗешәмбе

28 майда Байраш авыл мәдәният йорты хезмәткәрләре юл-транспорт һәлакәтләрен профилактикалау кысаларында “Телефоннан читкә куй - юлга кара” мәгълүмати акциясе үткәрделәр.

Акция барышында йөртүчеләргә машина йөртү вакытында мобиль телефоннан файдалану иң куркыныч төрләренең берсе санала дигән мәгълүмат белән белешмәлекләр тапшырылды. Акциядә катнашучылар машина йөртүчеләргә мәктәп һәм ишегалды территорияләрендә хәрәкәт иткәндә, шулай ук җәяүле кичүдә аеруча игътибарлылык турында искәртте.