Тәтеш шәһәренең "Әкият" балалар бакчасы яңалыклары
Балалар бакчасында иң кызыклы һәм мавыктыргыч эшләрнең берсе һәрвакыт экспериментлар үткәрү. «Әкият» балалар бакчасында «экспериментлар үткәрү атналыгы» узды. Бу атнаның максаты балаларның игътибарын тәҗрибәләр үткәрү кебек эшчәнлек төренә җәлеп итү; кул астындагы чараларны һәм предметларны кулланып катлаулы булмаган тәҗрибәләр үткәрергә өйрәтү; фикер йөртергә, анализларга, нәтиҗәләр ясарга һәм фәнни күзлектән аңлатырга өйрәтү иде. Экспериментлар барышында балалар үзләрен галимнәр, тикшеренүчеләр итеп хис иттеләр үзләренең кызыксынучанлыкларын канәгатьләндерү мөмкинлеге алдылар һәм " Ни өчен?", "Нигә?", "Ничек?" сорауларына җавап алдылар. Атна буе иҗат, кызыксыну, танып белү активлыгы атмосферасында узды. Балалар тирә - юньдә бик күп гадәти булмаган нәрсәләрнең булуына инандылар!