Башлангыч сыйныф укытучылары башлангыч сыйныфларда укыту һәм тәрбияләүнең заманча методикалары турында фикер алыштылар
2025 елның 21 августында мәгариф хезмәткәрләренең август конференциясе, «Яшьләр һәм балалар» милли проекты, «Педагоглар һәм Остазлар» ярдәмче проекты кысаларында, Ханжин П.С. исемендәге Тәтеш 1 нче урта гомуми белем бирү мәктәбе базасында башлангыч сыйныф укытучылары секциясе узды. Секция заманча белем бирү стратегияләре контекстында укыту һәм тәрбияләү методикаларын үстерүгә багышланды.
Чара кысаларында башлангыч сыйныф укытучыларының район методик берләшмәсе эшчәнлегенә анализ ясалды, шулай ук яңа уку елында белем бирү процессын оештыруның актуаль мәсьәләләре каралды. Секциядә катнашучылар түбәндәге темалар буенча фикер алыштылар:
- Укучыларның уңышлы шәхси үсеше факторы буларак башлангыч мәктәптә яңа белем бирү мохите
- Башлангыч мәктәптә тәнкыйди фикерләү: балаларны мөстәкыйль уйларга ничек өйрәтергә
- Башлангыч сыйныф укучыларын укытуда һәм үстерүдә сәламәтлекне саклаучы фактор буларак уен технологиясе
- МКШ шартларында дифференциацияле һәм төрле дәрәҗәдәге укыту технологияләре
- Башлангыч мәктәптә креатив фикерләүне үстерү
Секция тәҗрибә уртаклашу, актуаль проблемаларны тикшерү һәм Тәтеш муниципаль районында башлангыч белем бирүне үстерүнең перспектив юнәлешләрен билгеләү өчен нәтиҗәле мәйданчык булды.
