Өстәмә белем бирү үзәге хәбәр итә

2025 елның 10 сентябре, чәршәмбе

7 сентябрьдә Өстәмә белем бирү үзәге барлык талантлы һәм актив балалар, аларның ата-аналары өчен үз ишекләрен ачты! Бу көнне үзәкнең барлык кунакларын иң күңелле һәм сөйкемле ак аю белән очрашу,  фотоссесия, шулай ук иҗади ачышлар дөньясы буенча супер-квест көтте!

Квест вакытында декоратив-гамәли иҗат, хореография, вокал, туризм, бадминтон, мультипликация педагоглары, шәхес сыйфатларын үстерү буенча белгечләр, шулай ук үзәкнең директор урынбасары һәм методистлары балаларны белем бирү программаларының төрлелеге белән таныштырдылар, мавыктыргыч мастер-класслар күрсәттеләр һәм яшь кунакларны иҗат берләшмәләренә кушылырга чакырдылар. Безнең  девиз: "Без яңа мөмкинлекләр ачабыз!", бу чыннан да шулай! Өстәмә белем бирү үзәге эшенең максаты-бирегә килгән һәр баланың талантын ачу һәм иҗади сәләтен үстерү!

Очрашу якты, бай эчтәлекле, файдалы булды.

Ә безнең якты бәйрәмебезгә килергә өлгермәгәннәр өчен, үзәкнең педагоглары берләшмәләргә җыюны дәвам итәләр һәм сезне Тәтеш шәһәре, Малкин ур., 42нче йортта көтәләр, дип хәбәр итәргә ашыгабыз.

Безгә кушылыгыз һәм өстәмә белем бирү үзәгенең иҗат һәм яңа мөмкинлекләре дөньясында үз юлыгызны башлагыз!